НАЈОМИЛЕНА ДЕТСКА ХРАНА Е СВЕЖАТА ХРАНА. ДЕЦАТА САКААТ ВКУСНО, СВЕЖО И ЛЕСНО

Свежи салати претставуваат прав деликатес и имаат енормни нутритивни вредности. Сакам брзо и свежо. Од секогаш сум сакала свежи салати. Кога се омажив живеев во куќа со голем двор со многу зеленчук и овошје. Знаев да изедам цела ванглица зелена салата, а мојот девер и ден денес многу го сака мирисот на свежите домати. Кога се враќаше касно навечер одеше во бавча, кинеше свежи домати и ги гризеше како јаболки.

Салати се јадат како прилог со јадење или како оброк. Ако се јадат како оброк имаат додаток од житарки, сирење, мешунки, варени јајца, риба, месо.

САЛАТИ КАКО ПРИЛОГ

Се користи исклучиво свеж зеленчук и овошје и свежи зачини (босилек, нане, копар, млад кромид, магданос, целер ,,оригано, коријандер, мајчина душичка, рузмарин). Свежите зачини се природни антибиотици, го подобруваат варењето на храната и искористувањето на хранливите состојки.