Состојки:

• 1 шоља басамати ориз
• 1/2 ситно сецкан кромид
• 1 морков сецкан на тенки кругчиња
• 150 гр. зелена боранија сецкана на кругчиња
• 2 лажици сецкан свеж магдонос
• 800 гр. филети од риба сецкана на парчиња
• 1 чешне лук
• 2-3 гранчиња магдонос
• 5-6 лажици маслиново масло

Начин на припрема:

1. Рибата се вари заедно со лук и магдонос во 3 шољи солена вода, 15-20 минути на тивко и се остава да стои во водата.
2. На маслиново масло се динста кромид 1 минута, се додава ориз и се динста уште 1 минута. Се додава морков и зелена боранија и се динста уште 1-2 минути.
3. Оризот се префрла во тава за печење, се додава вода од варената риба, се додава магдонос и се меша.
4. Одозгора се редат парчиња риба и се пече на 190 степени околу 30-40 минути додека не испари водата.